Innsendingar í Sögur

Í byrjun skólaárs geta börn á aldrinum 8-12 ára sent inn stuttmyndahandrit, smásögu, leikritahandrit og tónlist og texta.

Börn í 3. - 7. bekk geta sent inn frá 1. júní - 15. nóvember ár hvert:
lag og texta, leikritahandrit, listaverk, smásögu eða stuttmyndahandrit.

Opið er fyrir innsendingar í Sögum fyrir börn í 3. - 7. bekk. Dómnefnd fær afhendar innsendingarnar án persónurekjanlegra upplýsinga og velur efnilegustu innsendingarnar í öllum flokkum.

Við mælum með að lesa vel upplýsingarnar hér fyrir neðan, styðjast við gátlistann og horfa á kennslumyndböndin með leiðbeiningum sem fylgja hverjum flokki.
Í hverjum flokki getur þú hlaðið niður æfingablaði sem hjálpar þér
að koma hugmyndinni þinni af stað!

Smelltu hér til að senda inn!

Fyrir kennara og foreldra:
Hér má nálgast öll æfingablöð Sagna á einum stað. Blöðin eru ætluð til að auðvelda undirbúning fyrir innsendingar í Sögur.

Skoða öll æfingablöð

Lag og texti

Lag og texti eiga bæði að vera frumsamin
Lagið má fjalla um hvað sem er
Lagið á að vera um það bil 1 -3 mínútur í flutningi
Ef lag er sent inn án undirleiks væri frábært að heyra smell í fingrum eða eitthvað sem gefur til kynna taktinn í laginu
Æskilegt er laginu sé skilað á mp3-hljóðskrá
Texti lagsins skal fylgja með á Word eða PDF skjali
Textinn má ekki vera handskrifaður
Þau lög sem eru valin verða útsett og tekin upp í hljóðveri RÚV með aðstoð fagfólks
Valinn er atvinnusöngvari til að flytja lagið
Sigurlögin eru flutt á verðlaunahátíðinni og gefin út á Spotify
Þú getur smellt hér til að hlaða niður æfingablaði sem hjálpar þér að búa til lag og texta!

Hér til hliðar er leiðbeiningamyndband um hvernig maður skrifar lag og texta sem við hvetjum þig til að horfa á.

Leikritahandrit

Leikritahandrit er saga sem er leikin af leikurum
Leikritahandritið má fjalla um hvað sem er
Í handritinu er mikilvægt að hafa:
áhugavert sögusvið - hvar gerist leikritið?
sögupersónur - hverjir eru í leikritinu?
spennandi söguþráð - hvað gerist í leikritinu?
Höfundur má gjarnan hafa óvenjulegt sögusvið
Þú mátt gjarnan hafa margar (10-15) sögupersónur
Lengd handritsins á að vera um 4-10 blaðsíður
Leikritahandrit er ekki einn langur texti
Leikritahandrit skiptist í samtöl og lýsingar
samtöl er þegar persónur tala saman
lýsingar eru lýsing á aðstæðum eða atburðum
Handritið má ekki vera handskrifað
Mikilvægt er að skila handritinu inn á Word eða PDF skjali
Handritin þurfa ekki að vera fullkomin eða alveg tilbúin
Sigurhandritin verða sett á svið í Borgarleikhúsinu og eru leikin af nemendum á lokaári Leiklistarskóla Borgarleikhússins
Þú getur smellt hér að hlaða niður æfingablaði sem hjálpar þér að búa til handrit að leikriti!

Hér til hliðar er leiðbeiningamyndband um hvernig maður skrifar leikritatandrit sem við hvetjum þig til að horfa á.

Listaverk

Listaverkið má fjalla um hvað sem er
Verkið þarf að vera frumgerð og hugverk listamannsins
Börn eru hvött til þess að hugsa út fyrir tvívíðan flöt og segja sína sögu í gegnum fjölbreytta miðla myndlistarinnar -
t.d. innsetningar, vídeóverk, skúlptúr eða gjörninga
Listaverk getur verið nánast hvað sem er, ekki bara teikningar eða málverk þótt það sé ekki útilokað
Listaverkið þarf ekki að vera fullgert á nokkurn hátt, skýr hugmynd að listaverki er nóg
Tillögu að verki má skila inn í textaformi þar sem fram kemur útskýring á verkinu og lýsing á mögulegri útkomu
Tillögu má senda inn sem skissur (teikningar) að hugmynd
Í tillögu þurfa að koma fram hugmyndir/óskir um efni og umgjörð, mögulega stærð verksins og hugsunina eða söguna að baki
Verkinu skila á Word eða sem PDF skjali
Vídeóverkum og öðrum nýmiðlum skal einnig skila á pdf formi.
Ef umsækjandi hefur þegar tekið upp myndbandsefni, skal skila inn textalýsingu á innihaldi myndbandsins og ramma/skjáskoti.
Sigurvegari fær aðstoð listamanns og sérfræðinga safnsins við að fullgera listaverkið sitt inni í sýningarrými Listasafns Reykjavíkur.
Þú getur smellt hér til að hlaða niður æfingablaði sem hjálpar þér að búa til listaverk!

Smásaga

Smásaga er stutt, skálduð saga
Hún má fjalla um hvað sem er
Hún má vera á bilinu 400-800 orð
Það má ekki skila inn handskrifaðri sögu
Mynd sem lýsir atviki í sögunni, þarf að fylgja, hún verður notuð til að skreyta söguna þína
Myndin þarf að vera á rafrænu formi og í 300 punkta upplausn
Mikilvægt er að skila smásögunni inn á Word eða PDF skjali
Höfundar sem eiga sögur sem valdar eru af dómnefnd fá tækifæri til að sitja með teiknara og rithöfundi sem gefa þeim góð ráð
Sögurnar eru gefnar út rafrænt af Miðstöð menntunar og skólaþjónustu á vorin
Nokkur eintök fara í prentun og fá höfundar bókina senda bæði heim til sín og á skólabókasafnið sitt
Þú getur smellt hér til að hlaða niður æfingablaði sem hjálpar þér að búa til smásöguna þína!

Hér til hliðar er leiðbeiningamyndband um hvernig maður skrifar smásögu sem við hvetjum þig til að horfa á.

Stuttmyndahandrit

Stuttmynd er stutt bíómynd
Stuttmynd er leikin fyrir myndavél
Stuttmynd er tekin upp í mörgum bútum og sett saman
Stuttmyndir eru sýndar í sjónvarpi eða í kvikmyndahúsum
Hún má fjalla um hvað sem er
Handritið á að vera um það bil 4-5 blaðsíður að lengd
Stuttmyndahandrit eru ekki einn langur texti
Textinn skiptist í samtöl og lýsingar
Handritið má ekki vera handskrifað
Mikilvægt er að skila handritinu inn á Word eða PDF skjali
Í handritinu er mikilvægt að hafa:
áhugavert sögusvið - hvar gerist stuttmyndin?
áhugaverðar sögupersónur - hverjir eru í stuttmyndinni? spennandi söguþráð - hvað gerist í stuttmyndinni?
Sigurhandritin eru unnin áfram af fagfólki á RÚV og verður stuttmyndin aðgengileg á spilara KrakkaRÚV
Þú getur smellt hér til að hlaða niður æfingablaði sem hjálpar þér að búa til handrit að stuttmynd!

Hér til hliðar er leiðbeiningamyndband um hvernig maður skrifar stuttmyndahandrit sem við hvetjum þig til að horfa á.